احلى افيهات السينما - دعوة لمشاركة الجميع

الموضوع النهاردة وهو ان كل واحد يدخل يقولنا اى مشهد
من سينما , مسرح , او حتى من الشارع حتى
نضحك عليه سوا سوا


* لا يمكن أن تذكر كلمة "متعودة " أمام أي مصري وربما أى عربي
دون ان يكمل لك الجملة بقوله "دايماً "
متأثراً بالعبارة الشهيرة لعادل إمام في مسرحية
" شاهد ما شفش حاجة " ،
" رقاصة و بترقص .. ومتعودة دايماً ".
شكرا ع الافادة

* ومن عبارات الزعيم فى " مدرسة المشاغبين " ..
"بعد 14 سنة خدمة فى ثانوى بتقولى اقف " ..

* وفى أول مسرحياته المشهورة جماهيرياً "أنا وهو وهى "
مع فؤاد المهندس وشويكار ،
له عبارة لا تزال تتردد حتى الآن وهى
" بلد بتاعة شهادات صحيح " ،

* وفى فيلم " عنتر شايل سيفه " هناك عبارة
" الساعة بخمسة جنيه والحسابة بتحسب " ..
وفى " كراكون فى الشارع " الجملة التى قالها عادل ليسرا
" أنا شربت حشيش يا سعاد " .

* فى مسرحية "مدرسة المشاغبين
"فى بيروت المقررات سهلة بشكل "

و "مرسى ابن المعلم الزناتى أتهزم يا رجالة" ..

و "انجليزي ده يا مرسى "

* والأستاذ الراحل فؤاد المهندس "كان له إفيهات كثيرة تحولت إلى عبارات وجمل مأثورة لدى الناس .. مثل
" القانون ما يعرفش زينب "

و "بلاها سوسو خد نادية " ..

"سيبيه يمسكها يا فوزية ... جايز تطرى ف ايده " .

* عادل أدهم صاحب
"أنا الصباع اللى يوجعنى .. ماعالجوش .. أقطعه "

و "تعالى يا قطة "

و "ادبح يا زكى قدرة .. يدبح زكى قدرة".


* توفيق الدقن صاحب
" يا آه يا آه .. أحلى من الشرف مافيش "

و "أنا الباز أفندى .. آه ".

* استيفان روستى

"نشنت يافالح" .


* سيف الله مختار صاحب
"هو العشا أمتى"
"اصل أنا عندى شعرة .. ساعة تروح وساعة تيجى "،
وهو نفسه الذى مثل دور مساعد الحانوتى مع اسماعيل يس الذي قال له
"هو أنت اكلت الميت ياد"
فرد ببلاهة
"لا والله .. دى منبى منبى يا معنمي" ..
ومن نفس جمله القليلة فى الدور
"فوت له بنيزة يامعنمي ".

محمد نجم
وعبارته الشهيرة فى مسرحية "عش المجانين" ..
"شفيق يا راجل " ..




طبعا كل اللى فوق دا كلمات ماثورة ومن الجيل القدييييييم جدااااااا

انا بقى عايز كلمات , مشاهد , مواقف ...
جديد , قديم
كله كله يعنى


والان اترك المجال لمشاركاتكم
اللى اكيد هتموتنا من الضحك

ههههههههههههههههههههههههههههههههههههههههههه توبيك تحفة يا ياسر فعلا

انا اكتر حاجة بحبها افيهات احمد حلمى

زى مثلا فيلم الف مبروك لما ركب التاكسى وبيقولوا احمد قالوا الللللللله احمد اسم جميل وتحسه جديد ابو حميد كده احمد حلمى يرد عليه يقولوا ده مصر كلها اسمها احمد على اساس انى بقولك مايكل ههههههههه

وفى نفس المشهد غنى السواق ده اغنية جامدة اه اه اه يا دريكسيونى يا دريكسونى يا دبرياشى يا دبرياشى

وغنى تانى يا برنس الليالى يا رمانة الميزان

ههههههههههههههههههههههههههههههه

مشاركه راااااااااائعه يا سومه وفعلا مشهد ضحكنى جدا جدا

ههههههههههههه

احمد حلمى قمة قمة فى خفة الدم

يلا يا جماعه منتظر مشاركتكم

جميل يا ياسر الموضوع فكره رائعه

امممممممممممم افتكر افتكر


مسرحيه العيال كبرت

لما كان بيتصل بابوه لما خبو اخوهم التخين دا

بيقولو احنا عصابه اللهو الخفى

ههههههههههههههههههه نفسى اعرف يعنى ايه

بيقولو ايه انت الاستاذ رمضان ابو سره قالو لا رمضان السكرى قالو مش مهم كلو برتقاااااااااااااااااااال

هههههههههههههههههههههه

ولا لما بيقولو انا خبطت العربيه ورحت الاسم الظابط بيقولى اسمك ايه قولتلو اسمى رمضان السكرى
ههههههههههههههههههههههههههههههههههه

ولما رجع راح تانى قالو بردو رمضان السكرى يعنى هكدب ؟؟ ههههههههههههههههههه